Karun na yaad magar kis tarah bhulo use

Karun na yaad magar kis tarah bhulo use

Karun na yaad magar kis tarah bhulo use
 Ghazal bahana karun aur gungunaun use

Wo khar khar hai shakh e gulab ki manind

Main zakhm zakhm ho phir bhi gale lago use

Ye log tazkire karte hain apne logon ke

Main kaise baat karun ab kahan se lo use

Magr wo zud faramosh zud ranj bhi  hai

Ki ruth jae agr yaad kuch dilo use

Wahi jo daulat e dil hai wahi jo rahat  e jaan

Tumhari baat pe ai naseho ganwaun use

Jo ham safar sar e manzil bichhad raha hai faraz

Ajab nahi hai agr yaad bhi na  aun use

 --------------------------------------------------------------------------------------------------------------------------

Ye teri ankhon ki be zari ye lahje ki thakan

Kitne andeshon ki hamil hain ye dil ki dhakanen

Pesh tar is k ki hum phir se mukhalif samat ko

Be Khuda hafiz kahe chal den jhuka kar gardanen

Ao us dukh ko pukaren jis ki shiddat ne hamein

Is qadar ek dusre keg ham se wabasta kiya

Woh jo tanhai ka dukh tha talkh mahrumi ka dukh

Jis ne hum ko dard k rishte main paiwasta kiya

Woh jo is gham se ziyaada jaan gusil qatil raha

Woh jo ek sail e bala angez tha apne liye

Jis k pal pal main tha sadiyon k samundar maujzan

Chikhti yaaden liya ujde howa sapne liya

Mein bhi nakaam e wafa tha to bhi mahrum e murad

Hum ye samjhe tha k dard e mushtarak rasa e gaya

Teri khoe muskurahat qahqahon main dhal ga

Mara gum gashta sukun phir se mara pas ae gya

Tapti do pahron main asuda howa bazu mere

Teri zulfen is tarah bikhrin ghaten ho gay

Tera barfila badan be sakhta lau de utha

Meri sansen sham ki bhigi ho e ho gain

Zindagi ki saaten raushan thi shamon ki tarah

Jis tarah se sham guzre jugnuon ki shahr main

Ao ye sochen bhi qatil hain to behtar hain yahi

Phir se hum apne purane Zahr ko amrit kahe

Tu agr chahe to hum ek dusre ko chhod kar

Apne apne be wafon ki liye rote rahe