Jaun Elia Poetry
Hijar ki Aankhon se Aankein to milatay jaaiye
Hijar main karna hai kya yeh to bata'tay jaaiye
Ban kay khushbu ki udasi rahiye dil kay baagh main
Door hotay jaaiye, Nazdeek aatay jaaiyee
Jatay jatay ap itna kaam to keejiye mera
Yaad ka sara sar-o-samaan jalatay jaaiye
Reh gayi umeed to bar' baad ho jaon ga main
Jaaiye to phir mujhay sach much bhulatay jaaiye
Zindagi ki anjuman ka bas yahi dastoor hai
Barh kat mil'iye aur mil kar door ho jaaiye
Aakhri rishta to hum main ik khushi ik gham ka tha
Muskaratay jaaiye Aansu bahatay Jaaiye
Woh gali hai ik sharabi chasham-e-kaafir ki gali
Us gali main jaaiye to larr' kharatay jaaiye
Ap ko jab mujh se shikwa hi nahin koi to phir
Aag hi dil main lagani hai lagatay jaaiye
Kooch hai khawabon se tabeeron ki simaton main to phir
Jaaiye par Dam-ba-dam bar'baad jaatay jaaiye
Ap ka mehmaan hoon main ap meray mezbaan
So mujhay zehar-e-murawat to pilatay jaaiye
Hai sar-e-shab aur meray ghar main nahin koi chragh
Aag to is ghar main jaana na lagatay jaaiye
No comments:
Post a Comment
Note: Only a member of this blog may post a comment.