Koi itna pyara kaise ho sakta hai | Jawwad Sheikh | Urdu Best Poetry

Koi itna pyara kaise ho sakta hai

Koi itna pyara kaise ho sakta hai
Phir sare ka sara kaise ho sakta hai
Tujh se jab mil kar bhi udasi kam nahin hoti
Tere baghair guzara kaise ho sakta hai
Kaise kisi ki yaad hamein zinda rakhti hai
Ek khayal sahara kaise ho sakta hai
Yar hawa se kaise aag bhadakk uthti hai
Lafz koi angara kaise ho sakta hai
Kaun zamane bhar ki thokaren kha kar khush hai
Dard kisi ko payara kaise ho sakta hai
Hum bhi kaise ek hi shakhs ke ho kar rah jaen 
Wo bhi sirf hamara kaise ho sakta hai