Gale lagaen karen payr tum ko Eid k Din | Akbar Allahabadi

 Eid k Din 

Gale lagaen karen payr tum ko Eid k Din

Idhar to aao mere gul-ezar Eid k Din

Ghazab ka husan hai aaraishen qayamat ki

Ayan hai qudrat-e-parwardigar Eid ke Din

Sambhal saki na tabiat kisi tarah mari

Raha na dil pe mujhe i khtiyat Eid k Din

Wo saal bhar se kudurat bhari jo thi dil main

Wo dur ho gai bas ek bar Eid k Din

Laga liya unhen sine se josh-e-ulfat mein

Gharaz ki aa hi gaya mujh ko pyar Eid k Din

Kahin hai naghma-e-bulbul kahin hai khanda-e-gul

Ayan hai josh-e-shabab-e-bahaar Eid k Din

Siwayyan dudh shakar mewa sab muhayya hai

Magar ye sab hai mujhe nagawar Eid k Din

Mile agar lab-e-shirin ka tere ek bosa

To lutf ho mujhe albatta yar Eid k Din

Poet : Akbar Allahabadi