Ranjish hi sahi
Ranjish hi sahi dil hi dukhane ke liya aa
Aa phir se mujhe chhod ke jaane ke liye aa
Kuchh to mere pindar-e-mohabbat ka bharam rakh
Tu bhi to kabhi mujh ko manane ke liya aa
Pahla se marasim na sahi phir bhi kahbi to
Rasam o rah e duniya hi nibhane ke liya aa
Kis kis ko batae ga judai ka sabab hum
Tu mujh se khafa hai to zamane ke liya aa
Ek umar se hun lazzat-e-girya se bhi mahrum
Ai rahat e jaan mujh ko rulane ke liya aa
Ab tak dil e khush fahm ko tujh se hain ummiden
Ye akhiri shamen bhi bujhane ke liya aa
Ahmad Faraz
No comments:
Post a Comment
Note: Only a member of this blog may post a comment.