Baad muddat usey dekha logo
Baad muddat usey dekha logoÂ
Wo zara bhi nahi badla logo
Khuch na tha mujh se bichar kar wo bhi
Us k chehre par likha tha logo
Us ki aankhen bhi kahe deti thi
Raat bhar wo bhi na soya logo
Ajnabi ban k jo guzra hai abhi
Tha kisi waqt main apna logo
Dost to khair koi kis ka hai
Us ne dushman bhi na samjha logo
Raat wo dard mere dil mein utha
Subha tak chain na aya logo
Pyaas sehraaon ki phir taiz hui
Abr phir toot ke barsa logoÂ
Parveen Shakir
No comments:
Post a Comment
Note: Only a member of this blog may post a comment.