Ghum Ki Barish Ne Bhi Tere Naqsh Ko Dhoya Nhi | Munir Niazi | Sad Urdu Poetry

 Ghum Ki Barish Ne Bhi Tere Naqsh Ko Dhoya Nhi

Gham ki barish ne bhi tere naqsh ko dhoya nahin 

Tu ne mujh ko kho diya main ne tujhe khoya nahin 

Nind ka halka gulabi sa khumar aankhon mein tha 

Yun laga jaise wo shab ko der tak soya nahin

 Har taraf diwar-o-dar aur un mein aankhon ke hujum

 Kah sake jo dil ki haalat wo lab-e-goya nahin 

Jurm aadam ne kiya aur nasl-e-adam ko saza

 Katta hun zindagi bhar main ne jo boya nahin 

Jaanta hun ek aise shakhs ko main bhi 'munir' 

Gham se patthar ho gaya lekin kabhi roya nahin