Zahir ki ankh se nahi tamasha kary koi | Allam Iqbal (Bang-e-Dra-056)

Zahir ki ankh se nahi tamasha kary koi

ظاہر کی آنکھ سے نہ تماشا کرے کوئی

ہو دیکھنا تو دیدۂ دل وا کرے کوئی
منصُور کو ہُوا لبِ گویا پیامِ موت
اب کیا کسی کے عشق کا دعویٰ کرے کوئی
ہو دید کا جو شوق تو آنکھوں کو بند کر
ہے دیکھنا یہی کہ نہ دیکھا کرے کوئی
میں انتہائے عشق ہوں، تُو انتہائے حُسن
دیکھے مجھے کہ تجھ کو تماشا کرے کوئی
عذر آفرینِ جرمِ محبّت ہے حُسنِ دوست
محشر میں عذرِ تازہ نہ پیدا کرے کوئی
چھُپتی نہیں ہے یہ نگہِ شوق ہم نشیں!
پھر اور کس طرح اُنھیں دیکھا کرے کوئی
اَڑ بیٹھے کیا سمجھ کے بھلا طُور پر کلیم
طاقت ہو دید کی تو تقاضا کرے کوئی
نظّارے کو یہ جُنبشِ مژگاں بھی بار ہے
نرگس کی آنکھ سے تجھے دیکھا کرے کوئی
کھُل جائیں، کیا مزے ہیں تمنّائے شوق میں
دو چار دن جو میری تمنا کرے کوئی

Zahir ki ankh se nahi tamasha kary koi

Ho dekhna to deeda dil wa karay koi

Mansoor ko howa lab goya payam mout 

Ab kya kisi k ishq ka dawa kary koi

Ho deed ka jo shoq to ankhon ko band kar

Hai dekhna yahi k nahi dekha karay koi

Main intihaye ishq ho tu intihaye husan

Dekhne mujhe ke tujh ko tamasha karay koi

Izr afreen jurm mohabbat hai husan dost

Mehshar mein izr taaza nahi peda kary koi

Chupati nahi hai yeh naghe shoq nashen

Phir aur kis terhan anhin dekha kere koi

Urr baithy kya samajh k bhala tor par kaleem

Taaqat ho deed ki to taqaaza kere koi

Allam Iqbal