La Phir Ek Baar Wahi Baadah-o-Jaam Aye Saaqi

 La Phir Ek Baar Wahi Baadah-o-Jaam Aye Saaqi

La Phir Ek Baar Wahi Baadah-o-Jaam Aye Saaqi!

Haath Aajaye Mujhe Mera Maqaam Aye Saaqi!

Teen So Saal Se Hain Hind Ke Mai-Khaane Band;

Ab Munaasib Hai Tera Faiz Ho Aam Aye Saaqi!

Mere Maina-e-Ghazal Mein Thi Zara Si Baaki;

Shaikh Kehta Hai Ke, "Hai Ye Bhi Haraam Aye Saaqi!

Sher Mardon Se Hua Baisha-e-Tehqeeq Tahi!

Reh Gaye Sufi-o-Mullah Ke Ghulam Aey Saaqi!

Ishq Ki Taigh-e-Jigar Daar Uda Li Kisne?

ILM Kay Haath Mein Khali Hai Nayaam Aey Saaqi!

Seenah Roshan Ho, Tho Hai Soz-o-Sukhan Ain-e-Hayaat;

Ho Na Roshan, Tho Sukhan Marg-e-Dawaam Aey Saaqi.

Tu Meri Raat Ko Mehtaab Se Meroom Na Rakh;

Tere Paimaane Mein Hai Mah-e-Tamaam Aye Saaqi.

Bal-e-Jibril